幾多雙非幾多B

網民改編王傑歌 幾多雙非幾多B

內地人同香港人矛盾愈來愈嚴重，唔少香港人都對雙非嬰兒有意見，最近網上就有人將王傑首舊歌《幾分傷心幾分痴》改詞，講雙非同自由行引發嘅社會問題，但又反對釋法，覺得會破壞一國兩制。首改編歌叫《幾多雙非幾多B》，主唱人仲叫「蝗杰」，噚日網上都好多人轉載。

幾多雙非幾多B

幾多雙非幾多B-蝗杰主唱 悲釋law食字

改編歌頭幾句係「悲釋law（即basic law）絕無意義，它不會解釋雙非的深意，像破壞香港司法的開始」，表明立場，仲將《基本法》食晒字；到中段，經典嘅一句「到底得幾分傷心幾分痴」改咗做「受夠了衝關打尖掃LV」；到講內地孕婦衝關，歌詞仲鬧埋政府無做嘢，講明孕婦預約牀位唔易，政府又唔理，但醫管局就成日賺錢，搞到前線員工「做到隻狗都似」。

歌詞應景之餘，唱呢首歌嘅「蝗杰」仲唱得幾似原唱者王傑，讀者有興趣可以上網聽番（搜尋「幾多雙非幾多B」）。

原文: 網民改編王傑歌 幾多雙非幾多B

keyword: 幾多雙非幾多B

▼幾多雙非幾多B 相關影片: